Inkampani yezokuhumusha izilimi ezisemthethweni zaseNingizimu Afrika eqasha ongoti. Imisebenzi yethu enhlobonhlobo isukela kumafomu okuvuma unolwazi kuya kumaphephandaba angaphakathi ezikhungweni, izinhlelokusebenza (ama-apps) kanye namawebhusayithi. Imibhalo yakho ilungiswa ngendlela ecacile neqondakala kalula ngezilimi eziyi-11 zaseNingizimu Afrika.
Izingaqophelo Isikhathi Esiwumnqamula-juqu Izilinganisomanani Amaklayenti
Siyakwamukela e-iiTranslation. Sizibophezele ekuhumusheni imibhalo yezebhizinisi, ezomthetho kanye nezokwelapha, ngendlela enemba ngqo, ngezilimi zaseNingizimu Afrika ezisemthethweni eziyi-11: isiZulu, isiXhosa, Afrikaans, Sesotho sa Leboa (Sepedi), Setswana, Sesotho, Xitsonga, Siswati, Tshivenda nesiNdebele. Sinesiqiniseko sokuthi yonke imisebenzi esiyihumushile izohambisana namazinga amazwe ngamazwe amiselwe ukuhumusha imisebenzi yezobuchwepheshe.
Bheka izingaqophelo lemisebenzi yethu ehunyushiwe! Izakhamizi zaseNingizimu Afrika ezingama-90% eziqonda izilimi zasekhaya, zingacofa inkinobho ethi 'translate' phezulu kwesokunxele kuwebhusayithi yethu ukushintsha ulimi. Njengoba ulimi lwakho luhunyushwa wumhumushi owungoti kulo mkhakha iwebhusayithi yethu izosebenziseka kalula futhi ikuhlinzeke ngolwazi olunzulu, nasezihlokweni zezobuchwepheshe imbala. Phezu kwalokho, kuzobe kungekho maphutha esipelingi noma ohlelo lolimi.
Siqasha abahumushi abawongoti kuphela. Uma kuhunyushwa umbhalo wezomthetho, sisebenzisana nomhumushi oneziqu futhi owaluncela ebeleni ulimi asebenza ngalo. Iziqu eziyisisekelo zokuqashwa kwabahumushi bethu ngezitholakale enyuvesi egunyazwe ngokusemthethweni yaseNingizimu Afrika. Phezu kwalokho, bonke abahumushi bethu banesipiliyoni esinzulu semisebenzi yasemazingeni aphezulu seminyaka engengaphansi kweyi-10. Uma udinga ukuthi sikuhlinzeke ngama-CV neziqu zabahumushi bethu singakunika, futhi siyowasayina nama-SLA aqinisekisa izingaqophelo labahumushi bethu.
Imibhalo yakho ehumushiwe idluliswa kuzo zonke izigaba zokuhlela umsebenzi njengoba wenza nawe embhalweni wesiNgisi. Phezu kwalokho, sisebenzisa i-MS Word ukuqinisekisa ukuthi imibhalo yakho ayinawo amaphutha esipelingi, isebenzisa ulimi oluvamile futhi ihunyushwa ngendlela ehambisanayo. Singakujabulela ukukukhombisa.