Ditirelo tša Diphetolelo ka 2025
O amogetšwe fa iiTranslation. Re itlama go tšweletša diphetolelo tša go nepagala ka bothakga bjo bogologolo, fao re fetolelago ditokomane tša lekala la thuto, la molao, la meepo le la maphelo , gammogo le mehuta ye mengwe ya go fapafapana ya dingwalwa. Diphetolelo tša rena di balega ka fao polelo ya hlago e lego ka gona ka maleme ka moka a semmušo a Afrika Borwa: isiZulu, isiXhosa, Afrikaans, Sesotho sa Leboa (Sepedi), Setswana, Sesotho, Xitsonga, Siswati, Tshivenḓa le isiNdebele. Diphetolelo tša rena ka moka di netefaditšwe go fihlelela maemo a boditšhabatšhaba mabapi le phetolelo ya diteng tša go ikgetha tša mareo ao e sego a tšatši ka tšatši.
Re leke o iponele boleng bja diphetolelo tša rena! Maafrika Borwa a senyane go tšwa go a lesome ao a nago le tsebo ya leleme la ka gae; hle kgotlang konope ya fetolela kua godimo mo weposaeteng ka lehlakoreng la go ja gomme le ipshineng ka go bala.
Ka ge dingwalwa tša rena ka moka di fetolelwa ke bafetoledi ba maitemogelo, ba ditswerere tša leleme la pele, o tla hwetša weposaete ya rena e fihlelelega ga bonolo gape e fana ka tshedimošo ya go hlaka ka tirišo ya diphetolelo. Go feta fao o tla lemoga gore diphetolelo tša rena ga di na diphošo tša mopeleto le tša popopolelo, gomme ke seipone sa maleba sa ditokomane tša motheo.
Lebaka leo Bagwebišani ba Kgethago Rena
- Mola dikhamphani tše ntši tša diphetolelo di aba ditirelo tša go fetolela maleme ka moka a go bolelwa ke bontši bja batho lefaseng ka bophara, rena ditirelo tša rena di abja ka maleme a Afrika Borwa fela.
- Dikhamphani tše ntši tša diphetolelo di itshepela fela go bohlale bja maitirelo le mogopolo wa khomphuthara go diphetolelo tša bona, mola rena theknolotši yeo re e šomišago e dira selo se tee fela: e fa bafetoledi ba rena ba hlwahlwa thekgo ye bohlokwa mabapi le go hlwekiša ditokomane le go netefatša tirišo ya maleba ya polelo le mopeleto, seo se netefatšago gore diphetolelo tša lena di gata ka mošito wo tee le ditokomane tša Seisimane.
- Ga go na le le tee la maleme a Afrika Borwa leo re le tlogelago morago, gomme ka mehla re buša mošomo ka nako yeo re dumelelanego le bagwebišani ka yona.
Boleng: tsebi Tšeo di Netefaditšwego Tšeo o Kago di Tshepa
Ge re fetolela dihlogotaba tšeo e sego tša setlwaedi tša mareo ao e sego a tšatši ka tšatši, re šoma fela le bafetoledi ba go ba le mangwalo, ba leleme la pele, ba go ba le maitemogelo a maleba a go sepelelana le dihlogotaba tšeo. Dinyakwa tša rena tša tlasetlase tša thuto ke lengwalo la thuto go tšwa yunibesithing ya go lemogwa ya Afrika Borwa. Go feta fao, bafetoledi ba rena ka moka ba na le mengwaga ya go feta ye 10 ya maitemogelo mešomong ya maemo a godimo. Re le baabaditirelo tša go fetolela, re tla dula re thabela go abelana ka mangwalo a bohlatse bja dithuto le maitemogelo a maloko a sehlopha sa rena.
Tekolo ya Mopeleto ka MS Word
Ditokomane tša gago tšeo di fetoletšwego di fiwa thulaganyo le ditekolo tšeo go tlwaetšwego gore di fiwa ditokomane tša Seisimane fela—se sengwe sa dilo tšeo baabaditirelo ba bangwe ba bantši ba sa kgonego go go fa sona. Re šomiša setlabelo sa rena sa go agwa ka gare ga MS Word go netefatša gore diphetolelo tša rena ga di na diphošo tša mopeleto. Dipukuntšu tša rena di akaretša polelo le mareo a go hlaloša ditsela le ditiro tša sebjale, gomme re ikgantšha ka go tšweletša diphetolelo tša go nepagala, tšeo e lego seipone sa maleba sa ditokomane tša motheo, ka polelo le mopeleto wa go se fetogafetoge. Re ka thabela go go laetša mohlala ka leleme le lengwe le le lengwe la Afrika Borwa.
Dinako Tšeo di Beetšwego Mošomo
Re kwešiša gore go phetha diprotšeke ka nako, le nyaka bonnete bja gore diphetolelo di tla fihla go sehlopha sa lena ka nako yeo go dumelelwanego ka yona (goba pele ga fao). Re agile kgwebo ya rena ka go dula re fihlelela ditetelo tša bagwebišani ba rena, ka fao le ka tšatši le la mohlolo re ka se tsoge re itlamile ka dinako tšeo bafetoledi ba rena ba ka se kgonego go di fihlelela.
Dikhotheišene
Tsela ye bonolonolo ya go hwetša khotheišene ke go romela tokomane ya gago ka email go info@iitranslation.com gomme o laetše maleme ao o ratago gore e fetolelwe go ona, gammogo le tšatšikgwedi leo ka lona o ka ratago go amogela diphetolelo tša gago. Ge e le gore ga o na kgonthe mabapi le maleme ao a bolelwago ke bontši bja badudi profenseng goba toropongkgolo ya geno, re tla dula re thabela go go thuša. Sehlopha sa rena re dula se le komana madula a bapile go arabela dikgopelo tša dikhotheišene mo metsotsong ye mehlano diiring tša mošomo.
Bagwebišani
