ImiSebenzi yokuTjhugulula 2025
Siyakwamukela ku-iiTranslation. Sizinikele ekukhiqizeni ukutjhugulula okunembako kwemitlolo yezefundo, yezomthetho, yezeemayini neyezokwelapha , kanye neminye imihlobohlobo yemathiriyeli. Ukutjhugulula kwethu kufundeka ngokwemvelo ngamalimi asemthethweni weSewula Afrika: isiZulu, isiXhosa, Afrikaans, Sesotho sa Leboa (Sepedi), Setswana, Sesotho, Xitsonga, Siswati, Tshivenḓa nesiNdebele. Koke ukutjhugulula kuqinisekisiwe kobana kuhlangabezane namazinga wobuthekniki weentjhabatjhaba.
Bona ikhwalithi yokutjhugulula kwethu kusebenza! Ebantwini abalithoba kwabalitjhumi beSewula Afrika abanelemuko lelimi lekhaya, vele utlikhe ikunupe yokutjhugulula phezulu kwesokudla sewebhusayidi bese uthabela ukufunda.
Njengombana yoke imathiriyeli yethu itjhugululwa batjhugululi abanelwazi, abasebenzisa ilimi lokuthoma, uzokufumana iwebhusayidi yethu ifikeleleka ngokupheleleko begodu inelwazi mayelana nokutjhugulula. Uzakuyelela nokobana umtlolo otjhugululiweko awunayo imitjhapho yokupeleda namkha yegrama begodu ufana patsi nekhophi yokuthoma.
Kubayini amaTlayenti wethu Akhetha Thina
- Nanyana amakhamphani amanengi wokutjhugulula anikela ngemisebenzi yawo woke amalimi amakhulu wephasi, sidzimelele emalimini weSewula Afrika kwaphela.
- Abenzelimisebenzi abanengi bathembele ebuhlakanini obungasibo bemvelo kanye nakumemori yokutjhugulula ukwehlisa inani lamagama, kodwana ithekhinoloji yethu yenza into yinye: inikela ukubuyekeza okuqakathekileko nokusekelwa kwelimi kuzazi ezibatjhugululi babantu, ukuqinisekisa bona ukutjhugulula kwakho kufana nekhophi yesiNgisi.
- Asitjhiyi ilimi leSewula Afrika ngemva, begodu sihlala sethula ngesikhathi.
Ikhwalithi: Ilemuko Eliqinisekisiweko Ongalithemba
Lokha nasitjhugulula imitlolo ebuthekniki, sisebenza kwaphela nabatjhugululi abaneziqu, belimi lokuthoma abanelwazi elifaneleko mayelana nesihloko esithileko. Ubuncani beemfuneko zethu ziziqu zefundo ezivela eyunivesithi yeSewula Afrika egunyaziweko. Ngaphezu kwalokho, boke abatjhugululi bethu baneminyaka okungenani eli-10 yelemuko lomsebenzi lezinga eliphakemeko. Njengomenzelimisebenzi yokutjhugulula, sihlala sikuthabele ukunikela iintifikedi ezinemininingwana yeziqu nelemuko lesiqhema sethu.
IsiHloli sokuPeleda se-MS Word
Imitlolo yakho etjhugululiweko ihlolwa ngendlela efanako yokupeleda nokuhlolisiswa njengekhophi yakho yesiNgisi—into abanye abenzelimisebenzi abanengi abangakghoni ukuyinikela. Sisebenzisa isihloli sokupeleda esakhelwe ngaphakathi se-MS Word ukuqinisekisa bona akunamitjhapho yokupeleda ekutjhugululeni. Iinhlathululimagama zethu zokuhlola zenzelwe ilimi lesimanjemanje, begodu siyazikhakhazisa ngokwethula ukutjhugulula okunembako okufana nekhophi yokuthoma. Siyakuthabela ukutjengisa lokhu ngananyana ngiliphi ilimi leSewula Afrika.
Amalanga wokugcina
Siyazwisisa bona ukwethula amaphrojekthi ngesikhathi kutlhoga ukuqiniseka bona ukutjhugulula kwakho kuzokufika esiqhemeni sakho ngelanga (namkha ngaphambi) kwelanga lokugcina. Sakhe ibhizinisi lethu ngokuhlangabezana nokulindelwe matlayenti wethu begodu ngeze sazibophelela ngelanga lokugcina elibekiweko abatjhugululi bethu engeze bakghone ukulihlangabeza.
Amakhotheyitjhini
Indlela elula yokuthola ikhotheyitjhini kukobana usithumele umtlolo wakho ngethungelelwanohlanganiso ku-info@iitranslation.com , kanye namalimi owatlhogako nelanga lokugcina. Nangabe awunasiqiniseko ngamalimi akhulunywa khulu edorobheni namkha esifundeni sakho, sihlala sikuthabele ukukusiza. Isiqhema sethu sizokuphendula iimbawo zekhotheyitjhini kungakapheli imizuzu emihlanu ngama-iri womsebenzi.
Amatlayenti
